Kunstnarsenteret og Adelsetet Munthehuset

Vakre omgjevnader ein oktoberdag 2006.

Gjestar til omvisning, inklusiv kaffe og krumkaker i biblioteket.

Tilberedt til 3-5 rettars middag ved peisen.

Margrethe Munthes suppemeny - Krepsesuppe, nytes på terrassen med fjordutsikt.

Det var også her i Ytre Kroken Dahl traff den unge Thomas Fearnley og fekk han med til Dresden. I Munthehuset og Ytre Kroken fann våre fremste kunstnarar den gongen inspirasjon i samveret med kvarandre og i møtet med eit mektig landskap.

Storgard i mellomalderen
Ytre Kroken er ein av dei norske storgardane som er kjende frå mellomalderen. Frå 1700-talet og fram til 1884 høyrde garden til Munthefamilien. Gerhard Munthe (1795-1876), offiser, historikar og kartograf, var fødd på slektsgarden i Ytre Kroken og var i mange år sjølve krumtappen i det rike kulturlivet som utvikla seg der i store delar av 1800-talet. I Christiania var han meddirektør for «Tegne- og Kunstskolen» for Nationalgalleriet og direktør for Kunstforeningen. Han slo seg ned på slektsgarden for godt i 1841. Etter at Muntheætta selde huset for 113 år sidan, har bygningen vore nytta til ymist. Til 1957 var her husmorskule; seinare har staden stått tom og aude og i forfall.

Lenge hadde forfallet herja Munthehuset, og det såg mørkt ut for framtida til den ein gong så staselege bygningen. Men etter at ihuga kunst- og kulturinteresserte fleire stader i landet hadde slege alarm,vart det i den siste tiårsbolken gjennomført ein vellukka bergingsaksjon, og på sjølvaste Kulturminnedagen 21. september 1997, stod huset fram nyrestaurert og i bortimot full glans og prakt.

Det blei funne maleri i taket som er mala av samme malar som takmaleri ved det norske slott.

No, vel 10 år etter er huset tilgjengeleg for omvisning, og overnatting dagleg i turistsesongen. Det er 5 flotte dobbeltrom, smakfullt innreidd. Eit singelrom er det som tidlegare var biblioteket. Frukost er inkludert. Lunsj, middagsservering og kveldsmat med lokale og økologiske råvarer.

Frå sesongen 2008 blir huset utleigd med husvert og personale til matlaging, servering og reingjering. Det er mogleg med selskap fordelt på fleire rom samtidig. Ypperleg om ein ynskjer å tilretteleggje for ulike aldersgrupper (f.eks. slektsstemner, konfirmasjon og bryllaup).

Ellers er det ulike arrangement i huset vår og haust, i tillegg til dei som ynskjer å nytte huset til feiring av bursdagar, konfirmasjon, bryllaup, firmajubileum etc.

Kommande år er det kulturkveld, Krimpåske og barnekulturfestival under planleggjing.

Huset er ypperleg som plass for turistar som ynskjer å kombinere med å sykle, gå (pilgrimsvandring), sykkeltur rundt Luster eller som mellomstasjon, kombinasjon med aktivitetar som kajakktur og fjelltur med Moreld eller Sognatur.

Plassen har flott utsikt mot Solvorn, Jostedalen og Molden, fredleg område, nærhet til Urnes stavkyrkje (10 km), Fuglesteg, halv times køyretur til Hurrungane i Vestre Jotunheimen (sognefjellet), interessant historie, avslappet stemning, romantiske og smakfulle middagar. Fin plass å kombinere med turar til Lom og Vågå, og Geiranger og Trollstigen. Kan kome frå Oslo via Tyin, Årdal, Turtagrø og Kroken. Bergen, Lærdal, Årdal, Turtagrø og Kroken. Fergeturen frå Ornes til Solvorn er ei av verdas vakraste båtturar.

Frå neste år kan du bli med på båttur frå Solvorn som besøker ulike turistattraksjonar langs \"den romantiske vegen\". Solvorn, Lerum Saftmuseum, Feigumfossen (maleri heng på det kongelige slott, Oslo). I tillegg blir det turar frå Marifjøra, og over fjorden til Kroken, der ein kjem til lunsj på Munthehuset og blir køyrd med hesteskyss til Urnes stavkyrkje, og tek deretter ferge og buss tilbake.